یک شعر ترکی از استاد پایگذار
==========================
كــاش گــئده گَلـــمه‌يـــه بو ســينه‌مه بيرده نَفَسيم
چوْخ قارانليقدي قفس چيخدي جانيم باتدي سسيم
كاش كي زيـندانـدادا يــالــقــيـزليقا بير درمـــان اوْلا
واردي نه درديــمـــه درمــان نه‌ده بــيــر دادرســيـم
بير قـفس گوشـــة ويــرانـه‌ده ويـــران كــؤنـــولــــه
اوْخــشـوري زيـنـدانا آز چــوخ بو داراشليق قفسيم
دوْيموشــام بوْ ياشـاماقدان نفسيم سايه، دوشوب
بوُيوُموش گر ياشــاماِق ايسـته‌ميرم اوْلــدو، بسيم
يوْلــــونوب قوْل قاناديم سانكي سينيب بال و پريم
قالدي سينه‌م ده گوزل آرزيلاريــم خوْش هوسـيــم
هر كسين اوْلماسـا امـــيــدي حــايــاتـــيــندا، بوُراخ
دئمه بــيــهــوده يئره من نـــه رواديــر تــلــه‌ســيــم
هــئـــچ مــنـي قوْرخودا بيلمز نه شكنجه، نه اؤلوم
ســؤيــودون يــاپراقي تك بس نييه هر يئلدن اسيم
قــفســيــم اوْلسادا پولاد گــركـــدير چــالــيــشــام
ديــرنــاغــيــم يا كـي ديشيم‌له اوْنو هّمت‌له كسيم
بو قارانليق گــئــجــه گئدمــك‌له قفس‌لر سيناجاِق
گــتــيــرر مــژده «نـصـيـر»آ بــو سـحر گلسه نسيم
هیچ نظری موجود نیست:
ارسال یک نظر